У дзяржаўнай установе адукацыі “Дабрынская сярэдняя школа Ельскага раёна” адбылася творчая справаздача па тэме “Патрыятычнае і грамадзянскае выхаванне як аснова ідэалагічнай работы ўстановы адукацыі: традыцыі, сучаснасць, перспектывы”
16 снежня 2022 года ў дзяржаўнай установе адукацыі “Дабрынская сярэдняя школа Ельскага раёна” адбылася творчая справаздача па тэме “Патрыятычнае і грамадзянскае выхаванне як аснова ідэалагічнай работы ўстановы адукацыі: традыцыі, сучаснасць, перспектывы”.
З прадмовай да ўдзельнікаў справаздачы “З дабрынёю да добрых людзей” звярнуўся дырэктар школы Пазняк Аляксандр Аляксандравіч.
У ходзе правядзення мерапрыемства кіраўнікі ўстаноў адукацыі сталі ўдзельнікамі экскурсіі ў этнаграфічны музей “Да вытокаў, да спадчыны душой дакраніся”; яны былі запрошаны таксама ў гасцёўню-дэгустацыю лекавых травяных напояў.
На творчай справаздачы адбылася прэзентацыя вопыту работы атрадаў “Юныя сябры пагранічнікаў”, “Патрыёт”, знамённай групы.
Сваім вопытам работы дзяліўся атрад “Чыстая планета”. Кіраўнікі школ наведалі аб'яднанне па інтарэсах “Экадэсант”.
“З родным словам па жыцці”, – пад такой назвай прайшоў адукацыйны творчы занятак па беларускай мове.
Свае напрацоўкі прадставілі атрад “Пошук” і аб'яднанне па інтарэсах “Робататэхніка”.
Усе, хто прысутнічаў на мерапрыемстве, сталі ўдзельнікамі прэзентацыі школьнага сайта “Жывая памяць пакаленняў”.
